بـــــدء الــتـــــدويـــــن
حركنى العنوان جدا ... كتير اوى بيبقى جوايا كلام وافكار واراء فى مواضيع كتير بتقابل الواحد فى حياته او فى حياه الناس اللى حواليه...بفكر كتير اكتب عن اللى جوايا او عن اللى بشوفه بس مش عارف ليه بتراجع...يمكن علشان بحس ان الموضوع بقى موضع وانا مبحبش امشى ورا التيار...يمكن بحس ان اصلا محش هيقرا اللى بكتبه ...اكيد حابب ان اى حد يقراه بس فى نفس الوقت الكتابه والفضفضه لوحدها مريحه....يمكن بحس ان الكلام هيبقى كتير فمحدش هيقرا كل ده :)يمكن بردوا مبكتبش علشان حاسس ان الكتابه اكبر منى او انى لسه معنديش الفكر اللى يستحق الكتابه ...هو كلام وخلاصشايف ان الموضوع كبير ومش اى حديكتب وان الكتابه الممتعه هتبقى نتاج افكار نتجت فى دماغك من القرايه الكتيرانا بحب القرايه جدا وبقرأ على اد ما بقدر بس دايما بحس ان مش ده المعدل اللى المفروض اقرأ بيه وانى دايما مقصر فى دهانا بوجه عام بحس انى مقصر فى حياتى كلها .. وكل فشل بيقابلنى برجعه لنفسى ولانى مقصر ومبخرجش كل جهدى فى انى انجحمع ان ممكن ناس كتير تشوف انى بعمل اللى عليا وزياده بس انا مش جوايا عارف انى مبعملش واقدر اتعب اكترمن كده بكتيرجوايا خطط كتير بحس انى لو التزمت بيها اوى هنجح جدا...مقتنع بكل كيانى ان اللى بيتعب اوى بيلاقى ومحدش تعبه بيروح عالفاضى... ان الله لا يضيع اجر من احسن عملا بس مبتعبش ولا بعمل كل جهدى للاسف...وبحس ان كل واحد جواه افكار تخليه احسن لو اجتهد وتعب .. ومش انا بس اللى كده ... بس انا زيى زى غيرى كتير ... اللى عدى ونجح وبقى فوق عدى لانه اجتهد وتعب ونفذ اللى جواه وخرجه للواقع وبقى نجاح..مش عارف هفضل كده لحد امتى ؟؟؟ّ...تفتكروا لامتى؟... اقولكوا انا ... وقت ما الاقى الحافزاللى هو.......لا مش هقول :)
ليست هناك تعليقات:
إرسال تعليق